السيسي: الأشرار مش هيقدروا يهدوا البلد علشان إحنا جامدين

أكد الرئيس عبدالفتاح السيسى، أن "الأشرار المخربين المدمرين"، لن ينالوا من عزيمة المصريين، وأن محاولاتهم ستبوء بالفشل، قائلا:" الأشرار المخربين المدمرين بيحاولوا يهدوا.. ولكن مش هيقدروا، مش علشان إحنا جامدين، ولكن لأن ربنا ميرضاش بكده، وربنا خلق الإنسان لعمارة الأرض مش للإفساد ولا للهدم".

 

وقال الرئيس خلال افتتاح مجمع إنتاج الأسمدة بالعين السخنة:"شوفوا يا مصريين وبصوا على الدنيا حولين مننا، هل فيه دين يقام كده؟ هل فيه إصلاح يقام بالهدم؟، قلت الكلام ده كتير بس التصدى ليه مش الدولة بس، احنا كمجتمع لازم نفهم أولادنا ونوعيهم وننصحهم ضد الفكر ده، مافيش دول هتطلع لقدام بالهدم ولكن بالانضباط والخلق والتعليم والجهد والصبر والبناء لكن مش بالقتل ولا التخريب".

تابع: إن تنفيذ مجمع الأسمدة الفوسفاتية والمركبة بالعين السخنة يأتى فى إطار تنفيذ توصية الاستفادة من الخامات المصرية الطبيعية الموجودة فى مصر، بحيث يكون لها قيمة مضافة بدلا من تصديرها للخارج فى صورة خامات مثل الفوسفات حيث كان يتم تصديره للخارج "خام".

 

وأضاف الرئيس السيسى، أن هذه المشروعات العملاقة تعد محاولة لتنفيذ التوصية بتحويل ما لدينا من قدرات طبيعية فى الدولة المصرية، مثل الغاز الطبيعى والفوسفات إلى "قيمة مضافة" تخدم السوق المصرى.