زوجة مع إيقاف التنفيذ.. اميرة رفعت قضية خلع علشان قالها اعتبريني مسافر
- داليا محمد«اعتبريني مسافر» بهذه الجملة الغريبة استهلت "أميرة"صاحبة الثلاثين عام صاحبة العيون الخضراء والقوام الممشوق والثياب الأنيقة ،حديثها لـ «الميدان» لتكشف عن أسرارها مع زوجها ورفعها لقضية خلع منه.
فقالت أميرة: "تزوجت من "محمد" بعد قصة حب 4 سنوات، كانت تلك السنوات مليئة بالحب والاهتمام والسعادة وكل حاجة حلوة تتمني تعيشها أي بنت مع حبيبها يوم زواجي كان أسعد يوم في حياتي وكأنه تحقيق لحلم عمري كله ووصولًا للسعادة الأبدية".
صمتت"أميرة" برهة من الوقت ثم قالت: "كان رجل بمعني الكلمة يحب بصدق ويغار بشدة ويهتم بي دائمًا يشعرني بأنني أغلي ما يملك وبعد مرور سنة رزقنا الله عز وجل بطفلتي الأولى "سلوى" التي كانت سببًا في تقوية رباط الحب والحنان بيننا وكان طوال اليوم يحادثني للاطمئنان علي ابنتنا وعندما يعود للمنزل أري في عينيه اللهفة والشوق لي وكان دايما بيقولي إن أصدقائه يقولون له كلنا عندنا مشاكل في البيت إلا أنت الوحيد اللي مش بتشتكي من مراتك فيرد عليهم جوزي عشان أنا غيركم هي حبيبتي وصاحبتي وراحتي وسعادتي وأخر حاجة مراتي".
تسترجع أميرة الذكريات وانهارت قائلة: "كل الحب ده راح فين؟، ثم هدأت وقالت منذ فترة قليلة بدأت ألاحظ تغير "محمد" معي في اهتمامه في كل شيء إلي أن جاء اليوم اللعين الذي قالي لي فيه اعتبريني مسافر عادي ستات كتير أزواجهم يسافروا إيه المشكلة فصعقت من الكلمة وقولت له مسافر أزاي يعني وأنت موجود فرد قائلا بأنه يمر بأزمة مالية كبيرة ومش بيفكر في أي شيء إلا إنه يقف علي رجليه تاني ووعدنى بان تلك الفترة هتعدي وكل شيء هيرجع زى الأول وهتبقي معايا وجنبي دايما مرت الأيام وأنا مستحملة علي أمل أن كل شيء هيتصلح وهفوق من الكابوس ده وجوزي يرجعلي تاني لكن لقيت أن كل يوم بيبعد عني أكتر وأكتر وحتى مكالمته ليا تقضيه واجب مش أكتر ولما يكون رايق يقولي أني وحشته ويهزر معايا وفضلنا علي الحال ده 4 شهور يعتبر مفيش حياة أصلا ولما طفح الكيل وفاض بيا قولتله أنا تعبت ما بقيتش قادرة أتحمل غيابك عني بالشكل ده وأنت كل تفكير في الشغل وبس أنا عايزة أطلق قالي مفيش طلاق أنت مش هتكوني لحد غيري وإلا فيها موتك"
واختتمت أميرة قائلة: " تركت منزل الزوجية وتوجهت لبيت أهلي وحاول الاتصال لكي يراضيني لكن قلبي للأسف أصبح فاتر وقاسي نتيجة لقسوته وبعده عني فقررت أني أرفع عليه قضية خلع يمكن بعدها أقدر أعيش باللي فاضل مني بعد الجرح اللي سببه أكتر راجل حبيبته في حياتي والفعل توجهت لرفع الدعوي بمحكمة الأسرة وقضت لي المحكمة بقبول الخلع".