مخترعوا بسوهاج: 300 ألف جنية لتحويل الفكرة إلي منتج يُباع لعلاج "ضمور العضلات"

يسى فكري،  طالب بالصف الثالث الثانوي، بمدرسة سوهاج الثانوية الزخرفية المشتركة.. واحد المبتكرين الصغار بالمحافظة. 

بدأت فكرتة منذ شهر نوفمبر 2017 عندما كان في الصف الاول الثانوي،  استمرت معه فكرة البحث سنة كاملة..

استعان في هذه الفترة باساتذة بالمركز الاستكشافي، اجتاز بتفوق مسابقات عليمة عديدة،  اخرها من دار الابتكار التي حصل فيها علي 10 آلاف جنيه اما الباقي فكانت جوائز شرفية.. 

 

إليكم تفاصيل الحوار.. 

 

ماهي فكرة البحث.. وكيف اتجهة لبدء الخطوات؟ 

الفكره هي علاج لمرض ضمور العضلات.. 8 مصابين بالمرض دا في قريتي واكثر من مليون مصري مصاب بالمرض وكنت عايز اجد حل فتوجهت للمركز الاستكشافي للعلوم بسوهاج لعمل طرق بحث علمي سليمه وعملت سيرش عن المرض وجمعت عنه معلومات ووجدت انه نقص في بروتين الدستروفين.. فكان التحدي اللي قدامي ازاي انتج البروتين المفقود من العضله، وازاي بيتم عزل بروتين الديستروفين، وبعدين هندخله ف بلازمية بكتريا هيحصل تكاثر للبروتين بحيث انه ينتج اكبر كميه من البروتين اللي محتاجه عشان ارجع احقنه تاني في عضلة المصاب وبكدا يبقى عوضنا النقص الحاصل من خلال البروتين المفقود.. 

العلاج نفسة مستخدم من الجين نفسه زي ما بنستخدم النكرياس في انتاج الانسولييين هيتم استخدم جين الديستروفين لانتاج البروتين، 

بنجيب الجين ونعمله عزل وندخله في بكتريا اسمها الايكولاي، وبعدين المصاب بياخده عن طريق الحقن.. نحقن العضله بالبروتين المفقود.

 

 

من ساعدك فى تنفيذ فكرة البحث؟ 

أ. د/ تيتو نعيم حبيب استاذ الهندسة الوراثية بكلية العلوم _ نقيب العلميين ،هو من ساعدني.. حيث انني اشتركت في  مسابقات كثيره بيه هو.. وانا حاصل على مركز تاني جمهوريه _ سنه ٢٠١٨، اول جمهورية _ معرض القاهرة الدولي 2019.. الاول على سوهاج سنتين في مسابقة انتل ايسف الامريكية ".

 

 

هل الفكرة طبقت على ارض الواقع، أم لا؟ 

لا هي فكره ورقيه لأنها محتاجه دعم مادي كبير لكن كبحث علمي له اسس سليمه ومعايا تقرير من كلية العلوم جامعه سوهاج ممضي من عميد كلية العلوم.

 

ما تصنيف بحثك من حيث عدد المُستافدين؟ 

البحث بشكل عام بيساعد اكبر عدد من مرضى ضمور العضلات اللي عددهم ف مصر عدي المليون مصاب.. 

و حلمي ان البحث بتاعي يطبق على الجمهوريه بشكل مكثف، حيث انني على تواصل مع جمعية مرضى ضمور العضلات في مصر،  

وعلى علم باحصائيات من جميعه مرضى ضمور العضلات تفيد وصول عدد المرضى بمليون مصاب. 

 

 

هل هناك أمل لتطبيق بحثك على ارض الواقع؟ 

حسب اراء  الدكاترة والاساتذة المشرفة، ان الفكره سليمة وجاهزة للتنفيذ في معمل الهندسه الوراثيه في كليه العلوم ولكن تحتاج دعم مادي.. تحتاج ٣٠٠ الف جنيه ف البدايه حسب تقرير كلية العلوم.. ٣٠٠ الف جنيه هتحول الفكره الي منتج..

حيث ان هناك إمكانيات فى مصر لا تسمح لعزل الجين عشان كدا جامعة سوهاج بتتواصل مع جامعات بالخارج،  وكده هيكون حل من أتنين "١" عزل الجين بالطرق التقليدية ودي هتكلفنا وقت ومجهود كبير.. أما اننا نتواصل مع جامعات برا تبعت جين ونشتغل عليه في معمل المهندسة الوراثية. 

 

اذا طبقت فكرة بحثك عمليًا، من اين تأتي بهذه الجينات؟ 

الجين دا بيتاخد من بنأدمين من جثث التشريح او من حيوانات قريبه لجسم الإنسان مثل الحصان، او الكلب وما شبة ذلك.

 

ما هي الكلية التي تفضل الإلتحاق بها؟ 

كلية الهندسه.. لان تعليمي فني واقرب كلية ليا هي كلية الهندسة، خصوصا ان حلمي ادري كمبيوتر ساينس هندسة كمبيوتر بكلية الهندسة. 

 

هل تواصل معك احد من مسؤولين المحافظة؟ 

الدكتور الأنصاري،  المحافظ السابق كان موجود معايا بمعرض القاهره.. واناشد جميع القيادات بالمحافظة بالاهتمام بالمخترعين الصغار اللي في محافظة سوهاج لأننا عدينا حوالي 99 مخترع وكل واحد بفكره جديدة غير التانية.