التفاصيل الكاملة حول حرب السوشيال ميديا بين أحمد حسن وزوجته
نشب حرب الكترونية عبر مواقع التواصل الاجتماعي بين "أحمد حسن وزوجته وزينب" ورواد السوشيال ميديا وذلك بعد نشرهما فيديوهات لمولودتهما الصغيرة التي لم تتجاوزالأسبوعين من العمر، حيث تم اتهامهم باستغلال طفلة وتعريض حياتها للخطر من أجل التربح وتحقيق نسب مشاهدات مرتفعة، على قناتهما بموقع يوتيوب،وعلي هذا الضوء يستعرض "الميدان" التفاصيل الكاملة
وبدأت القصة حينما نشر الزوجان أحمد حسن وزينب محمد، مقطع فيديو عبر قناتهما على موقع يوتيوب لطفلتهما "آيلين" حديثة الولادة وهي تبكي لتحقيق أعلى عدد من المشاهدات.
ثم أثار الفيديو المنشور للرضيعة موجة واسعة من الانتقادات على مواقع التواصل الاجتماعي، معتبرين أن ظهور رضيعة بهذا الشكل في مقطع فيديو هو محاولة للتربح والمتاجرة بها من جانب والديها، مع مطالبات بالتحقيق في الأمر.
وفي خلال ساعات نشرللمجلس القومي للطفولة والأمومة بيان له ،وقالت عزة العشماوي، الأمين العام للمجلس، أن المجلس استقبل عدة بلاغات وشكاوى بشأن الإساءة لطفلة حديثة الولادة، وذلك عبر الاتصال بخط نجدة الطفل 16000 أو على صفحات التواصل الاجتماعي الخاصة بالمجلس.
وأضافت "العشماوي" أن زوجين قاما باستغلال ابنتهما حديثة الولادة، حيث قاما بتصوير فيديوهات لها وهي تبكي، وفيديوهات أخرى كانا يقوما بضربها حتى تبكي؛ وذلك لتحقيق أعلى نسب مشاهدة على مواقع التواصل الاجتماعي، مما أثار غضب رواد مواقع التواصل الاجتماعي ودفعهم للتواصل مع خط نجدة الطفل لاتخاذ الإجراءات اللازمة لانقاذ الطفلة.
وفي نفس السياق قال صبري عثمان، مدير خط نجدة الطفل بالمجلس القومي للأمومة والطفولة، إن الفيديوهات تقع تحت بند استغلال تجاري للطفل، كما تنتهك خصوصيته، إلى جانب التأثير على الطفلة صحيًا، موضحًا أنها جريمة تصل عقوبتها إلى السجن 5 سنوات وغرامة 200 ألف جنيه.
ووفقًا للمادة 96 من قانون الطفل: "يُعاقب كل من عرض طفلًا لإحدى حالات الخطر بالحبس مدة لا تقل عن 6 أشهر وبغرامة لا تقل عن 2000 جنيه ولا تجاوز 5 آلاف جنيه أو إحدى هاتين العقوبتين".
واعتبر المجلس أن محتوى الفيديوهات تعارض مع المادة 291 من قانون العقوبات والتي تتضمن عقوبة الاستغلال التجاري للتربح والكسب.
وتنص المادة 291 من قانون العقوبات على أن: "يُعاقب بالسجن المشدد مدة لا تقل عن 5 سنوات وبغرامة لا تقل عن 50 ألف جنيه ولا تجاوز 200 ألف جنيه كل من باع طفلًا أو اشتراه أو عرضه للبيع، وكذلك كل من سلمه أو تسلمه أو نقله باعتباره رقيقًا، أو استغله جنسيًا أو تجاريًا، أو استخدمه في العمل القسري، أو في غير ذلك من الأغراض غير المشروعة، ولو وقعت الجريمة في الخارج".
وبعد كل هذه الاتنقادات خرج أحمد حسن من صمته ،ليعلق على موجه الاتهامات قائلا: “مع كل لحظه حلوه في حياتنا دايمًا بنواجه انتقادات بأسلوب وطريقة بشعة بدون أي وجه حق من الشخص المنتقد.. الكلام اللي جاى ده موجهه للاشخاص اللي بتنتقدنا وواقفلنا على الواحدة ومستنية أي حدث في حياتنا عشان تنتقده وتجرح فينا بأسلوب قليل الأدب وبسخرية مبتزلة”.
وتابع: “أولاً أنا أسمي أحمد حسن عندى 23 سنة ومتجوز من حوالي سنة من أجمل بنت في الدنيا زينب مراتي، والحمد لله ربنا رزقنا بأجمل بنوتة فى الدنيا و هى أيلين بنتنا.. حابب أحكيلكوا شوية عن حياتي”.
وأضاف: “أولاً أنا من أسرة فقيرة جدًا وكنت ساكن في حي البساتين ووالدي شغال ترزي واللى مش عارف يعنى ايه ترزي يعنى بيفصل و بيصلح هدوم والحمد لله فخور بيه جدًا ووالدتي ربة منزل.
المهم أنا حاليًا بدرس في كليه حقوق جامعه القاهرة و فى سنه تالته وأكيد عارفين المفروض شخص في سني من المفترض أنه متخرج من 3 سنين وده محصلش لأني وأنا عندي 17 سنه كنت فى ثانويه عامة وكانت حالتنا المادية شبه معدومة ساعتها قررت إني أوقف تعليم لمدة سنتين وأنزل اشتغل عشان أصرف على أهلي وفعلاً عملت كده قعدت سنتين كاملين بشتغل كل حاجة في الدنيا ممكن تتخيلوها وقفت في محلات موبيلات اشتغلت في محل تصنيع شنط اشتغلت مندوب مبيعات كل حاجه مكنتش بقول للشغل لأ لحد مربنا كرمني خلال السنتين دول وقدرت أكون مبلغ افتح بيه مكتب شحن خاص بيا، والحمد لله ساعتها ربنا كرمني من وسع وبعديها قررت إني اأمل تعليم تاني و خلت امتحانات الثانويه العامة ونجحت و دخلت حقوق القاهرة”.
واستكمل أحمد حسن: “كان عندى شغف كبير إني أكون شخص ناجح و شهور زي أي شخص منكم بالظبط وابتديت ده من أول ما بدأت أعمل فيديوهات على السوشيال ميديا والحمد لله خلال سنتين بس قدرت أحقق نجاحات كبيرة جدًا على السوشيال ميديا وبقيت واحد من أكثر الناس المشهورة في مصر على السوشيال ميديا، والحمدلله اتجوزت وكونت أسرة وأنا سني صغير”.
وتابع: “نيجى بقا للمهم ناس كتير بتدعي إني شخص فاشل وناس كتير بتقولي فكك من التفاهة اللي بتعملها دي وروح شوفلك شغلة، وناس كتير بتسألني أنت شايف نفسك شخص ناجح ولا فاشل، فأنا هرد عليكم دلوقتي، أيوة أنا شايف نفسي شخص ناجح.. ليه؟ هقولكم دلوقتي. أولًا أنا عندي 23 سنه ومتجوز وعندي بنت ومبسوط في حياتي وسعيد ومعايا عربيه أحدث موديل وعندي شقتي ملكي في منطقه من أحسن المناطق السكنيه في مصر وده بالنسبالي نجاح”.
وأضاف أحمد حسن: “ثانيًا قناتي على اليوتيوب عليها 3 مليون سبسكريب وحسابي على الانستجرام عليه مليون ونص فولورز و صفحتي على فيس بوك عليها 2 مليون معجب ده غير إني بحقق شهريًا أكثر من 100 مليون مشاهدة وأكثر من 500 مليون دقيقة مشاهدة و زيد شهريًا أكثر من 600 ألف سبسكريب فده بالنسبالي نجاح”.
وقال : “ثالثًا دخلي الشهري حاليًا من قناتي بس حوالى 30 ألف دولار شهريًا يعني بالمصري حوالي نص مليون جنيه ده غير إني عندي 3 قنوات تانيين ليا على يوتيوب وغير طبعا الإعلانات اللى بعملها شهريًا، فده بالنسبالي نجاح، فأظن بعد كل اللي سمعتوه ده مش محتاج حد تاني يشكك في نجاحي، أنا في حياتي الشخصيه الحمد لله ناجح وده بفضل ربنا وفي حياتي العمليه الحمد لله برده ناجح وبرده بفضل ربنا”.
وختم رسالته قائلا :“الملخص و المفيد لكل الكلام اللى قولته ده ان عايزكوه تبصوا لنفسكوا الأول قبل متفكروا تنتقدونا، والسوال دلوقتي بقا لأي شخص شاف كل الكلام اللي فات ده كله”.
وواصل “أنت شايف نفسك شخص ناجح ولا شخص فاشل فكر كويس وجاوب على نفسك وحاول متبصش لكلام الناس لأن كلام الناس عمره مهيوصلك انك تبقا شخص ناجح أقرب مثال إني من ساعة ما بدأت لحد دلوقتى لو كنت ركزت مع كلام الناس عمري مكنت نجحت ويمكن كنت وصلت لدرجة نفسية صعبة وعمري مكنت هقدر اتعالج منها.. رسالة أخيرة حابب اوجهلكوه..خليكوا انتوا فى انتقادكوا وخلينا احنا في نجاحنا”.