نكشف الحالة الصحية للفنانة هنا الزاهد وسر بكاء بكاء أحمد فهمي في شهر العسل
بعد تدهور حالتها الصحية،أحمد فهمى يكشف تفاصيل الحالة الصحية، لزوجته الفنانة هنا الزاهد، بعد تعرضها إلى وعكة صحية شديدة، أثناء شهر العسل مما أثر إلى نقلها إلى المستشفى لتلقى العلاج.
وقال أحمد فهمى عبر صفحته على فيسبوك: "شكرا لكل الناس اللى بتسأل على هنا ومعلش مش عارف ارد على كل الناس لانى كنت محتاس لوحدى، الموضوع أننا فى المستشفى هنا فى سنغافورة وهنقعد ثلاث أيام تحت الملاحظة ولو محصلش تحسن هيبقى فى جراحة".
وتابع فهمى: "الموضوع بايخ ومفاجئ بس بشكر د اشرف زكى فعلا، والدكاترة المصريين د اشرف ابو الهوا و د احمد نجم اللى متابعين من مصر الحالة مع الدكاترة هنا، و بشكر معالى السفير محمد ابو الخير اللى واقف معانا جامد هو والمصريين فى السفارة على رأسهم ا محمد زغلول و طبعا ا ضياء محمد كامل اللى واقف جنبى جامد من مصر، إن شاء الله خير".
ونشرت الفنانة هنا الزاهدعبر حسابها بموقع إنستقرام استغاثة إلى الله تطلب فيها الشفاء العاجل وتوقف الألم، وألمحت هي الأخرى لتعرضها لسحر أو حسد بقولها اللهم أخرج كل سوء ومكروه من جسدي.
وكتبت هنا دعاء عبر حسابها الخاص قالت فيه: اللهم اشفني فأنت القوي لا شافي سواك .. اللهم أنت أعلم بوجعي .. ربي اشفيني شفاء لا يغادر سقما عاجلا غير آجل .. اللهم أخرج كل سوء ومكروه من جسدي، وتفاعل معها عدد كبير من نجوم الفن الذين حضروا حفل زفافها ومنهم النجم علي ربيع الذي وضع أول تعليق مؤمنا على دعائها وطالبا الاستجابة لها، وانضمت له الفنانة آيتن عامر وراندا البحيري.
وكان الفنان أحمد فهمي، قد نشر صورة لهنا وهي ترقد بأحد المستشفيات، وعلق قائلا: عامة أنا مليش في الحركات البيئة زي دى خالص ولا عمرى كنت هجيب سيرة ولا أنزل صور زي دي و بقالي شوية بهزر مع صحابى الزماكاوية عالماتش”.
وأضاف: بس إحنا برا مصر أنا وهنا وبقالنا يومين بنروح لدكاترة عشان هنا تعبانة ودلوقتي رحنا لتالت مرة عشان تعبت تاني جدا.. بجد فى ناس مركزة أوى اوى أوى معانا لدرجة أن فى مهرجان (مش الجونة) كان من كام يوم مبيسألوش أي حد من الزملاء عن الجائزة اللي واخدها لأ بيسألوهم عننا وعن الفرح.
وتابع: وعن تدخلى في شغل هنا والغريب أن في بعض الزملاء خاضوا في حياتنا الشخصية.. بجد شكرًا جدًا لكل الناس اللي فرحنا لنا من قلبها وربنا يديمكو نعمة.. أما بجد اللي مركزين ارجوكوا الحياة مش ناقصة.. إحنا فى شهر العسل وبايتين اهو في المستشفى، وبعد دقائق قليلة قام فهمي بحذف الصورة.