فتاة التحرش بالمنصورة : " أنا المجنى عليها "
قالت فتاة التحرش بالمنصورة زهرة .ع، أنا يا جماعة زهرة صاحبة الفيديو كنت عاوزة أوضح حاجة فى ناس عارضتنى فى مكالمة مع الأستاذ عمرو أديب كلمة أنا مبسوطة بكده مش معناها أنى مبسوطة باللى حصل لى لا معناها انه مش حصل فى بنت غيرى وحصل لى وبلاش نصطاد فى المياة العكرة وكلام يتقال على لسانى وما تقالش عيب يا جماعة أحنا أكبر من كده وما كنتش أتوقع أان ده يحصل من الشعب المصري عيب جدا
وأضافت مش كنت أتمنى أى بنت تكون فى الموقف ده ولو أنت فى الموقف ده شايف أن لبسى غلط أو حاجة وبتغلطنى أنت تروح تكشف عند دكتور فى أىه خلاص كده أنت اتعديت مرحلة التخلف
وتابعت: والناس اللى عاوزانى أبقى منكسرة مع الأستاذ عمرو أديب لو الفيديو ده أنت شوفته مش اتعاطفت عى من غير حاجة فمش يلزمنى التعاطف بتاعك وبيك ومن غيرك حقى هيرجع طبعا يهمنى الناس الفاهمة الواعية واقفة معى ومش يهمنى الناس اللى بتقول أزاى هى كده ولازم تتموحن وتعيط ومش اتكلمت اى يا جماعة بقينا نسيب المشكلة الأساسية ونبص للتفاهات علشان مش اتموحنت ولبست قصير خلاص كده حقى يضيع
وأضافت: ناس منزلة أهلى اتبروا منى مافيش حد اتكلم مع اهلى ومش اتكلموا مع حد وبكلم أهلى عادى واهلى معايا وكويسين والمكان اللى اتصور مش مكانى وعيب وأى النقص ده والبنات مغلطنى وازاى البس كده فى يوم رأس السنة وبلاش ألبس اللبس ده أنتى نفسك تلبسى كده وأبوكى منك وربنا ساترك وكلنا بنغلط وغلطت لما لبست كده فى اليوم ده وأنا المجنى عليها وعيب اعتبرنى أختك او بنتك
وقالت أنهى ديانة بتقول أن ده يحصل علشان خاطر لبس وده مبررلكده عار على ديانتك ونفسيتى مدمرة بس مش هطلع أحزن للناس على حالى وربنا عالم بنفسيتى الفيديو تريقة أى السفالة والانحطاط ده ارفع من بلدك ومعى حق بيك ومن غيرك لا تعلق بسخافة بوضع أنت مش عارف تعيش يا جماعة احترموا دينكم ووضعكم أنا مصدومة من رد فعل الناس بعد مكالمة عمرو أديب سابونى وأنتوا مش هتلزمونى من وقوفكم ومش قصدى أزعل الناس منى وبلاش تترجموا الكلام على مزاجكم .
الجدير بالذكر أنه تعود أحداث الواقعة عبر تداول ععد من رواد مواقع التواصل الاجتماعى عبر الفيسبوك فيديوهات لواقعة التحرش الجماعى بفتاتين ليلة رأس السنة الجديدة بمنطقة المشاية بالمنصورة وكشف الفيديو أن هناك فتاتين بملايس قصيرة والشباب يحاولون اللحاق بالفتاة وسط صراخ وبكاء منها
وكان مدير أمن الدقهلية اللواء فاضل عمار قد تلقى أخطارا من مدير المباحث يفيد بانتشار مقطع فيديو على مواقع التواصل الأجتماعى لواقعة تحرش جماعى بفتاة فى شارع الجمهورية بالقرب من بوابة جامعة المنصورة خلال احتفالات رأس السنة الجديدة وتم تشكيل فريق بحث من الضباط وتم التحفظ على كاميرات المراقبة بالمنطقة لتحديد الجناة فى واقعة التحرش والكشف عن هوية الفتاة.