التفاصيل الكاملة لأزمة «بنات شريف منير »على الشوسيال ميديا
من أيام قليلة مضت نشر الفنان “شريف منير” صوره لابنتيه “كامليا و فريدة” علي حسابه الشخصي بموقع إنستجرام ولكنها لا تزال حتي الان مسببه أزمه ,حيث تعرض لتعبيرات جارحه و اساءه من بعض المتابعين , الأمر الذي اضطره لحذف الصوره و قام بنشرها مره آخره من جديد .
قام أحد المتابعين بتوجيه تعبيرات وإساءات خارجه للفنانين في تعليقه على الصور لبنات شريف منير فانفعل شريف و اقسم بمقاضاته كاتبا:”عملت سكرين شوت لتعليقك .. و بكرا محضر في مباحث الانترنت ,و لو وطيت تبوس جذمتي مش هسامحك .. و هسجنك و الايام بينناا .. هخليك عبره لكل السفله اللي زيك .. وحياة أمك لاحبسك و صورتك هتنزل متكلبش”.
حاول بعض المتابعين من الجمهور التدخل و تهدئه الفنان شريف طالبين منه عدم الالتفات لمثل هؤلاء فأجاب :يبقي يدخل الأحداث .. مش هسامح أي حد من انهارده .. لازم يتربي .. و ممكن يكون شخص كبير و حاطت صوره ابنه او اخوه .. هيبان في استدعائه للمباحث”.
وبعد ساعات نشر الفنان شريف منير، مقطع فيديو يجمعه بابنتيه "فريدة وكاميليا"، عبر حسابه الرسمي بموقع "إنستجرام".
وقال منير في الفيديو: "مساء الخير، دول المذنبين، دول المتهمين، اللي عملوا المصيبة، اللي بوظوا البشرية، اللي أذوا الناس، اللي أذوا الدين، لان الناس اللي شتموني بيكلموني بالدين، هما دول اللي أذوا الدنيا كلها البنتين الكبار أوي".
وتابع منير: "بشكر كل الناس اللي وقفت جنبي، وبشكر كل الناس اللي دعمتني، ودعمت فريدة وكاميليا، وأنا بشكركم على إحساسكم وشعوركم".
View this post on Instagram
A post shared by Sherif Moneer (@sherifmoneerofficial) on Jun 13, 2020 at 9:48am PDT
وأضاف منير: "اللي طالبه منكم النهاردة لازم يكون في وقفة قوية، لازم كلنا نبقى إيد واحدة، أي حد يتجاوز حدوده بلفظ خارج ما تسكتوش، أعملوا بلاغ، الأهتمام غير طبيعي من قبل النيابة، والناس فارق معاها الموضوع جدا، وعايزين يساعدوا".
وأكمل شريف منير: "لازم نقول لا للسفالة، لا للقذارة، الناس دي مش عايزينها في حياتنا، لازم بقى تنشطوا شوية وتعملوا بلاغات متتالية لمباحث الانترنت، دول بناتي اللي اتهانوا عشان كنت بس فرحان بيهم، ولكن الرد هيكون جامد أوي".
وعلق الفنان شريف منير على الفيديو :" لا للتنمر".
وقالت فريدة :"أنا اتهنت واتجرحت وعايزة حقي".
وقالت كاميليا :"ناس كتير شتمتني وشتمت بابا، وأنا ما بحبش حد يشتم بابا، ومحبش أشوف بابا يتهزأ وعايزة أخد حقي".
وفي نهاية حديثه قال : "وانا بقولكوا حقكوا هيرجع، اي حد يتعرض لاي أذى أو أي إهانة هيجيلوا حقه لغاية عنده، ومش هيكون على مواقع التواصل الإجتماعي بعد كدا لفظ واحد غلط، أنا مستني الملايكة يردوا عشان كله هيبقى بحسابه".