بصورة . ريهام سعيد تكشف معاناتها مع فيروس كورونا

كشفت الإعلامية المصرية الشهيرة ريهام سعيد عن معاناتها الصحية بعد إصابتها بفيروس كورونا المستجد.

ونشرت ريهام صورة لها في المستشفي عبر حسابها بموقع "انستجرام"، وعلقت :"بقالي أسبوعين بعاني من كورونا والحمد لله الرئة أتاثرت واتحجزت في المستشفي من شوية، إحساس غريب وأنت عندك حاجة مميتة، بتراجع نفسك كتير وتحاسب نفسك كتير، اكيد غلطت لكن عمري ما قصدت كان دائما الغرض نفع الغير و اظهار الحقيقه، شكرا يا رب علي حبك ليه و شكرا علي ابتلاءتك الكتير الي بتدل علي اهتمامك بيه، اذا كانت دي النهايه يا رب احسن خاتمتي واحسب لي كل عمل عملته لوجهك الكريم يا رب أنت الوحيد اللي عارف أنا عملت ايه وكانت نيتي دائمًا ايه".

وأضافت:" استحملت وصبرت علي افترا و ظلم كتير، يا رب اغفر لي وسامحني وخلي بالاك من أولادي، اذا كان ده اختبار من اختباراتك ولسه في العمر بقيه يا رب اشفيني واقف جنبي وسهل عليه محنتي أنا راضية بأي شيء، نصيحة لكل واحد بيهاجم مشهور أو ناجح أنت بتاخد ذنب رهيب أنتوا بتاخذوا من اعصابنا وصحتنا وكله علي باطل خلي بالكوا الأذية دي وحشة اوي وهتقعد لك في أعز ما عندك، ارجو الدعاء بالخير ليه أي كان هو ايه".

يذكر أن ريهام سعيد أعلنت مؤخرًا اعتزالها العمل الإعلامي، والتركيز على مسيرتها الفنية، حيث انضمت لفريق عمل مسلسل "السيدة زينب"، بطولة النجمة سوسن بدر، محمود عبد المغني، دينا، رانيا منصور ، ليلى عز العرب، أحمد وفيق، فراس سعيد، سامى مغاورى، أشرف عبد الغفور، حسام داغر، سيناريو وحوار أحمد صبحى وإخراج محمد النقلى.