دينا عبد الكريم تكشف أشهر 10 أكاذيب وتحديات بمجال التسويق

كشفت الإعلامية دينا عبد الكريم، مقدمة برنامج "شغل عالي" المذاع عبر قناة CBC، عن أشهر 10 أكاذيب، و10 تحديات في مجال التسويق. وقالت الإعلامية دينا عبد الكريم، إن الكذبة الأولى في مجال التسويق عندما يقول المسئول للعميل، إن هذه الخطة مبنية على معلومات دقيقة ولكن في الحقيقة هو بنى الخطة على ذوقه الشخصي، أما الكذبة الثانية، فعندما يقول إن الخطة التسويقية "مخصوصة علشانك".

وتابعت دينا عبد الكريم: "الكذبة الثالثة عندما تختلف معاه، فالمسئول هيقولك أنا برضي العميل، والكذبة الرابعة لو قالك الخطة التسويقية هتحقق 100% من العائد بتاعها أو العائد على الاستثمار، ولو ده حقيقي كان كل الناس أسعد ناس في العالم، والكذبة الخامسة لو قالك صدقني أو خدها مني التكلفة الإجمالية للموضوع كله هتبقى كذا، واعرف إن ده الحد الأدنى للمصروفات وغالبا هيطلعلك في نص السكة حاجات كتير جدا هتصرفها".

وأكملت: "الكذبة السادسة بقى لو قالك حضرتك أهم عميل عندنا، وفي الغالب بيقول كده لكل العملاء، والكذبة السابعة لو قرر أو قعد يقترح عليك حاجات تشتغل فيها، أما الكذبة الثامنة لو انت بقى واحد من الفريق بتاعه، وقالك الخطة بتاعتنا مبنية على قاعدة 20/80 أي 20% من العملاء بيجي منهم 80% من الشخص أو الدخل".

وتابعت: "الكذبة التاسعة لو انت عميل وسمعت منه حرفين ورا بعض، وهما حرفين معروفين إنه لو قالك عندي عرض ليك، اوعى تصدقه ولازم تسأل وتتأكد علشان تعرف إيه وراء العرض، أما الكذبة العاشرة، لو انت مديره وحبيت تسأل عن المبيعات مش كويسة ليه، هيقولك المشكلة عند المبيعات مش عند التسويق".

في المقابل، كشفت الإعلامية دينا عبد الكريم، عن 10 تحديات مدير التسويق، قائلة: "أول التحديات موضوع الإقناع، ثانيا التسويق مهنة صعبة جدا ولو كنت بتسوق خدمة كأنك بتكفر عن ذنوبك، ثالثا هناك مخاطرة كبيرة مع كل فكرة جديدة. رابعا كل ما يتعلق ببنك الأفكار الخاص بالتسويق، خامسا دقة البيانات والمعلومات، سادسا مطلوب من الشخص ديما إنه يبقى مبتسم وبيوزع طاقة إيجابية على الكل، سابعا لازم يبقى عنده أفكار مبدعة علسان يكمل في الشعلانة دي، ثامنا موضوع الديجيتال بالنسبة للتسويق، لأن التسويق الإلكتروني عمل تحدي كبير أمام الأشخاص اللي بتشتغل في التسويق. تاسعا أي شخص بينام بيحلم بكوابيس من الشركات المنافسة لذلك يفكر دائما في نجاح الحملة التسويقية، أما التحدي العاشر، المصداقية أهم شئ ولذلك مطلوب منه يعمل أحسن ما عنده علشان ينجح".