خزعبلات وأكاذيب اختطاف الفتيات عن طريق تخديرهم غير حقيقية

كانوا حاطين مخدر على الورقه بصت فيها اغمى عليها ..
كانوا حاطين مخدر على المنديل قربوه منها اغمى عليها ..
كل ده هزى وليس له اساس علمى ..

علشان لا مؤاخذه ننيم بالتشميم يبقى لازم عيل صغير (مش عروسه قد النخله ) ومحتاجين ٢ او ٣ رجاله حلوين يكتفوه وهيقعد يرفس ٥ دقائق علشان ينام ...

مفيش بنج رش غير فى الافلااااااام .
التخدير بالغازات المخدره محتاج لمبخرات مش موجوده غير فى غرف العمليات .. وده مش هيحصل بالمنديل ولا بالفس فس بتاع الافلام ..

التخدير بالكلوروفورم على المنديل ( لو حد عرف يجيب الكلوروفورم اساسا ) عمليه صعبه جدا جدا مش سهله ابدا زى ما بيصوروها فى الافلام ولازم لازم الضحيه هيقاوم بعنف شديد ده غير احتمال انه يموت من كتمة نفسه قبل ما يغمى عليه يعنى مش ممكن يتخطف بالطريقه دى من الميكروباص ولا المترو ولا الكوفى شوب ..

مش كل حاجه تقروها تصدقوها لان فى ناس بتألف قصص بهدف انها تتشهر وبس واى بوست من نوعية شممونى وكانوا هيخطفونى بيجيب لايكات وشير للركب فبنات كتير من محبى الشهره هيألفوا قصص من النوعيه دى ..

الكلام ده مش رأيى ده رأى العلم وخبرة سنين كتير

هذا المنشور نقلا عن العميد محمد عبدالعظيم سليمان عبر صفحات التواصل الاجتماعي وردا على الشائعات والأقاويل الكاذبةالتى تم تداولها عبر صفحات التواصل الاجتماعي و السويشال ميديا بشأن اختطاف الفتيات عن طريق تخديرهم بمخدر ومنوم بمنديل أو ورقة وأشياء من هذا القبيل