تامر حسني يكشف مفاجأة جديدة عن إيرادات فيلم ”بحبك”

فاجأ الفنان تامر حسني، جمهوره بالكشف لأول مرة عن كواليس تحضير فيلمه بحبك، الذي طرح في دور العرض، خلال عيد الأضحى.

وأكد تامر حسني، خلال مداخلة هاتفية لبرنامج كلاكيت المذاع على نجوم إف إم، أنه قرر تقديم فيلم بحبك؛ لأن السينما المصرية أصبحت تقدم على مدار السنوات الماضية، أعمالًا مليئة بالعنف.

وتابع: الواحد بيتفرج على الساحة السينمائية عاملة إزاي، كلها ضرب وقتل ودم، وكل ما أفكر وأقعد مع المنتجين؛ أقول عايز أعمل فيلم رومانسي، يقولولي لأ، كوميدي، يتخضوا جدا، ويقولوا خليك في حاجة تانية، وأقولهم لأ، كده غلط، لازم نتصدى لده.

فيما قال تامر عن تحقيق الفيلم لإيرادات عالية عالميًا: ربنا رضاني بإيراد عمري ما كنت أتخيله، ودخلت بالفيلم، لازم يكون في مشاعر وعواطف، وطلعت أنا الصح في الآخر، وأتمنى يشوفوا المنتجين اللي قالولي متنزلش الصيف ده، وذاكرت كويس وتعبت، والكاست كله كان كويس.

وأشار تامر حسني في حديثه، أنه يحضر للعمل منذ عامين ونصف، مشيرًا إلى أنه سعيد بردود الأفعال حول العمل في أمريكا وكندا والوطن العربي.

وعن التأليف والإخراج من جديد قال: الله أعلم هعمل كده تاني ولا لا.. لازم في مشاعر توصل للناس وفي حاجات كتير في الحب مبقتش موجودة زي الأول.. السينما بقالها كتير بتعبر عن حاجة معينة وهي العنف.

قصة فيلم بحبك

وتدور أحداث الفيلم حول شاب متعدد العلاقات العاطفية يقع في قصة حب مع فتاتين وتتخلل الأحداث عدد من المشاهد الرومانسية والكوميدية.

فريق فيلم بحبك

والفيلم بطولة وتأليف وإخراج الفنان تامر حسني، وتشاركه البطولة كل من هنا الزاهد، هدى المفتي، شهد الشاطر، مدحت تيخة، عالية راشد وغيرهم من النجوم.