ياسمين عز: أما تنادي لجوزك قولي يا أستاذ.. وسيبي له ”رف” في الدولاب

وجهت الإعلامية ياسمين عز رسالة للفتيات قائلة: "ادي لأخوكي نص الدولاب يحط هدومه فيه.. ده هو مشرفك قدام صحباتك البنات.. أخوكي ده اللي هيقف معاكي في جوازتك.. ليه مش بتدي جوزك غير "رف" واحد في الدولاب.. وكمان بتختاري "رف" عالي لأنك مش طايلاه.. مش عشان أنتِ كريمة ولا حاجة؟.

وخلال تقديم برنامجها "كلام الناس" عبر فضائية "إم بي سي مصر" تابعت عز: "سيبي لجوزك أكتر من رف.. ورتبي دولابه.. واهتموا بملاسبهم وسيبولهم رف في الدولاب عشان تاخدي حسنات.. الرجالة حاسة بقهر بسبب موضوع "الرف" ده.

وفي سياق آخر، قالت عز: "ليه بتنادي على جوزك "حاف".. قولي لجوزك يا أستاذ.. بلاش لو اسمه محمد تنادي وتقولي محماااا وتاكلي آخر حرف من اسمه.. يعني ينفع لو اسمك سماح يقولك يا سماااااا؟.. هتعملي مشكلة وتقولي إنه بيخونك مع واحدة اسمها سما".