دومينيك حوراني: شكلي حلو وموهبتى مميزة ..و أتحدى اي مخرج أو منتج.فتح يقول إنى كلمتة علي شغل

كشفت دومينك حوراني، الأسباب والمقومات التي ساعدتها على الدخول في الوسط الفني، ومشاركتها في العديد من الأعمال، إذ أشارت إلى أنها تمتلك شكلًا مميزًا، وموهبة مختلفة، ولديها قدرة كبيرة على الإبداع.

وتحدثت دومينيك حوراني عن هذا الأمر، خلال لقائها مع الإعلامي سعيد جميل، في برنامج أنا سعيد، عبر قناة القاهرة والناس، إذ قالت: اللي وصلني شكلي المميز، والاختلاف في الشخصية والموهبة المتميزة، وأهم شيء الإبداع والموهبة والحظ، والعلاقات في حياتي لم تفيدني بشيء، وأتحدى أي مخرج أو منتج يقول إني كلمته عشان الشغل، وموصلتش بعلاقاتي، وشكلي حلو ومميز وعندي لون فني حلو، عشان كدة وصلت، شكلي مميز وعندي موهبة في التمثيل والغنا.

تصريحات دومينيك حوراني في برنامج أنا سعيد

وأضافت دومينيك حوراني: اللي يشغلني عشان أنا صاحبته مش عايزاهم، اللي يشغلني لأني موهوبة وهضيف للعمل مش عشان صديقته ولا مراته، مش كل الناس هتاخد نفس الفرص في الحياة، الفرصة بتيجي في الوقت المناسب والمكان المناسب، مليش أصدقاء بالوسط الفني.

وفي سياق آخر، تغزلت دومينيك في الرجل، إذ قالت إن الرجال هم أساس البيت، وأنه لابد أن يبادر هو بإسعاد زوجته، حتى يحصد الحب الذي يستحقه، معقبةً: الرجل عمود البيت وشايل كل حاجة، بس لازم يعمل لي كل طلباتي، يعملي كل حاجة نفسي فيها، هو أتولد عشان يسعد الست اللي معاه، إن عمل كدة مش هيشوف نكد خالص.