صالح جمعة: عبد الله أخويا اتغدر به في الزمالك، ورفعنا قضية للحصول على مستحقاته

أعلن صالح جمعة لاعب الأهلي السابق، أن أخيه عبد الله جمعة لاعب الزمالك السابق تقدم بشكوى ضد نادي الزمالك للحصول على مستحقاته المتأخرة.

وقال صالح جمعة في بودكاست من الجول للجول مع الإعلامية دينا الإدريسي: “مكنتش مقتنع باستبعاد عبد الله جمعة من الزمالك، كلمت أحمد سليمان وعبد الواحد السيد للاستفسار عن سبب استبعاد واحد من كباتن الفريق، بصراحة عبد الله اتغدر بيه في الزمالك”.

وأضاف: "رحت اتكلمت مع أحمد سليمان وقالي إنه مكمل معانا والناس دي شالت عبد الله من القائمة قبل يوم واحد من الانتقالات ما تقفل ده الأهلي مكانش بيعملها.

وتابع: “عبد الله جمعة كان بيبقى عنده مزق وبياخد حقن عشان يرجع بسرعة ويلعب في الزمالك وكنت أقوله انت لسة صغير على الحقن دي كان يقولي عشان مفيش حد”.

وواصل: “مع احترامي ازاي تمشي عبد الله وتخلى لاعب عنده 40 سنة مين هيديك أكتر مع احترامي الكامل لعبد الشافي انا بحب عبد الشافي جدا”.

أشار: "لكن أنا استفدت كزمالك من عبد الشافي في إيه؟ فتوح لما بيغيب مين بيلعب، عمر جابر طب انت مشيت عبد الله جمعة ليه؟ مفيش لجنة كورة بتخططلك".

وأتم: "عبد الله جمعة ليه أكتر من 25 مليون جنيه عند الزمالك وهناخد الفلوس دي الزمالك هيدفع زي ما لسة دافع لخالد بوطيب 50 مليون جنيه ورفعنا قضية فعلا والقضية ماشية في اتجاه كويس".

واختتم:"عبد الله جمعة جدد للزمالك من ورايا وكنت بقنعه يروح الأهلي وهو رفض وقولتله القرار ده هيغير حياتك".

و