أحمد أمين خلال مهرجان نبتة: الدراما مش حزن.. ومفيش صراع بدونها

تحدث الفنان أحمد أمين، خلال فعاليات مهرجان نبتة للأطفال، الذي يرأس أولى دوراته في مهرجان العلمين الجديدة، عن أهمية الحكايات للأطفال، وشرح ما هي الدراما وأهميتها.

وقال أحمد أمين، في كلمته خلال فعاليات مهرجان نبتة للأطفال: موضوع الحكايات مهم جدًا طول الوقت بنحتاج نحكي حياتنا مش عبارة عن معلومات ولكن عبارة عن قصة.. والحكايات مهمة في حياتنا مش علشان نكون ممثلين.. ولكن في حياتنا عمومًا لو روحنا لدكتور هيشخص حالتنا.. الحكاية دايمًا لازم يكون ليها بداية ووسط ونهاية وشخصيات، حتى الحكايات اللي بتحصل في حياتنا بتكون أنت الشخصية الرئيسة والبطل ليها.. ولازم يكون في مكان وزمان للقصة.

مهرجان نبتة للأطفالمهرجان نبتة للأطفالمهرجان نبتة للأطفالمهرجان نبتة للأطفالمهرجان نبتة للأطفالمهرجان نبتة للأطفالمهرجان نبتة للأطفال

وواصل أحمد أمين: علشان كدة لما بنعمل فيلم بنعرف الناس أننا مكانا هنا والزمن زمانا.. ومن عناصر القصة أن يكون في دراما أحداث، الدراما مش الحزن.. الدراما معناها الأحداث والقصص لو معنديش دراما يبقى مفيش صراع في القصة.. الدراما بتكون ليها بطل.

مهرجان نبتة للأطفال

وفي سياق آخر، أعرب الفنان أحمد أمين، عن سعادته بمشاركته كرئيس لمهرجان نبتة للأطفال تحت رعاية مهرجان العلمين الدولي بدورته الثانية، وقال أحمد أمين على هامش المؤتمر الصحفي للدورة الثانية من مهرجان العلمين: ليه بنعمل حاجة للأطفال، مش علشان أنا رئيس تحرير مجلة أطفال، أنا بتعلم منهم كتير في حاجات افتقدناها موجودة عند الأطفال.