هند صبري: كنت عايزة أطلع سفيرة.. واشتغلت سينما بالصدفة بسبب إيناس الدغيدي

كشفت الفنانة التونسية هند صبري عن مفاجأة غير متوقعة حول بدايتها الفنية خلال مشاركتها في ندوة بمهرجان الجونة السينمائي، فبدلاً من أن تحلم بالشهرة والفن، كانت هند تطمح في أن تصبح سفيرة لدولتها، إلا أن الصدفة لعبت دورًا كبيرًا في حياتها عندما قدمت أولى أدوارها السينمائية، لتكتشف موهبة فنية لم تكن تتوقعها.

هند صبري تتحدث عن مهرجان الجونة

وقالت هند صبري خلال الندوة: قبل ما يتعمل مهرجان الجونة، كلمونا قالولنا عايزين نعمل مهرجان عالمي وكبير، وكنت متخوفة من إنها تكون مدينة ساحلية بتاعت إجازة، ومفيش قاعات مجهزة لعرض الأفلام، لكن لما شوفت التجهيزات والقاعات قولت هيبقى مهرجان كبير».

وأضافت هند صبري الريد كاربت للفساتين، بس المهرجان مش فستان بس، لا دا في فعاليات مهمة، ونجح بسبب كدا، والناس بتقول انتوا بتعملوا مهرجان والناس بتموت، أنا بقولهم أه بنعمل مهرجان عشان نعمل أفلام تنقل الأحداث كلها، متمشوش وراهم لأنهم عايزين يمحوا الأفلام دي».

كنت دحيحة وشاطرة.. ومحظوظة إني دخلت مجال التمثيل

وتحدثت الفنانة هند صبري، عن كواليس بدايتها في الأعمال الفنية، وذلك خلال ندوة مهرجان الجونة السينمائي قائلة: محظوظة إني اتحطيت في السينما وأنا صغيرة، وعمري ما كنت عايزة أبقى ممثلة، كنت عايزة أطلع سفيرة، وكنت دحيحة وشاطرة جدا في الدراسة، ولما جيت مصر بالصدفة اشتغلت سينما، لما قابلت ايناس الدغيدي».

أهلي شجعوني على التمثيل.. لكني رفضت بسبب تريقة زملائي في المدرسة

وأضافت: أنا بعد ما اشتغلت في أول فيلم قررت مشتغلش تاين ممثلة، عشان اتوجعت لأني كنت متعودة اشوف كاست العمل كل يوم، وفجأة التصوير خلص ومبقتش اشوفهم، لحد ما المخرجة مفيدة رجعتلي تاني بعمل واقنعتي اشتغل».

وتابعت هند صبري: أهلي شجعوني وكانوا عايزيني أمثل، وأنا اللي مكنتش عايزة، لأن صحابي في المدرسة كانوا بيتريقوا عليا، وأنا مكنتش عايزة دا يحصل، ولما بشتغل مع فنانات شابات بفتكر الأيام دي».

googletag.cmd.push(function() { googletag.display('div-gpt-ad-1694518953288-0'); });