"القرايب عقارب".. "زينب": أختي وقفت حال بناتي بالسحر

يعتبر السحر من الموضوعات الشائعة التى شغلت أذهان العامة والخاصة، ما بين مصدق بوجوده ومنكر له، بدعوى أن هذا يفتح الباب للشعوذة والخرافات، التى ينبغى أن يُنقى منها الدين، وهم مُخطئون لأن السحر حق وحقيقة ومذكور في القرآن الكريم ولكن لم يستخدم في الخير ولكن من المؤسف أن مرضي النفوس يستخدمون "السحر" في إلحاق الأذي والضرر بأقرب الناس إليهم وبالبحث عن قصص السحر والشعوذة رصدت عدسة "الميدان" قصة فريدة من نوعها وهي "خالة تقوم بعمل أسحار وأعمال لإلحاق الضرر بأبناء أختها".

 

استهلت السيدة "زينب" صاحبة ال55 عام حديثها لـ"الميدان" قائلة: أنا عندي 3بنات وولد والحمد لله جوزي ميسور الحال وكنت دايما بساعد أخواتي في المصاريف لأني الكبيرة بعد أمي الله يرحمها لكن أختي "نوال" ما كانتش بتحب الخير ولا ليا ولا لأولادي كانت دايما بتحقد علينا لأنها ما عندهاش أولاد وكنت بحس منها بالكره لكن عمري ما فكرت أن يوصل الغل بيها أنها تعمل أعمال لبناتي.

 

صمتت "زينب" ثم انهارت قائلة "هانت أختك عليكي يا نوال تعملي في عيالها كده": بناتي دايما كانوا بيعتبروها أمهم التانية لكن هي لا كانت بتقسي عليهم وبتعاملهم بشدة لدرجة أنكم وهم صغيرين كانوا بيسألوني: ماما هي خالتو نوال بتكرهنا ليه مع إننا بنحبها زيك فروحت قولتلها بتكرهيهم ليه يانوال قالتلي عشان أنت عندك عيال وأنا لا وما قولتيش حتي تديني عيل فيهم فصعقت من كلامها قولتلها اديكي عيل من عيالي أزاي يعني دول عيالي أنا راحت قالتلي طيب أنا مش هخليكي تتهني بيهم يازينب.

 

وقتها الحزن ملي قلبي من كلامها واقتصرت عنها تمامًا وبقيت مش بروحلها لا أنا ولا أولادي ومرت السنين وبناتي الثلاثة أتجوزوا واحدة ورا واحدة وقتها اطمنت عليهم أن أختي مش هتأذيهم ولكن كان للقدر رأي آخر انفصلت ابنتي الأولي عن زوجها بعد بسنة وابنتي الثانية اجهضت طفلها وابنتي الثالثة توفي زوجها في حادث بشع كل هذه الأحداث في سنة واحدة وقتها مليء الشك والحيرة قلبي وتذكرت كلام أختي "نوال" لما قالتلي إني مش هتهني بعيالي حتي أوشكت علي الجنون.

 

استطردت "زينب" بعيون تملئها الدموع قالت: تحدثت إلى جارتي فأشارت علي بالذهاب لأحد الشيوخ وهنا كانت الصاعقة عندما اكتشفت أن أختي اللي من لحمي ودمي عامله عمل لكل بنت من بناتي بخراب بيتها زي ما حصل بالفعل معاهم خرجت أنا وجارتي والحسرة تملئ قلبي وأزاي أختي تعمل كده في بناتي ؟!!!

 

وفي اليوم التالي ذهبت إليها وقولت لها علي شرها وأذاها لبناتي وقولتلها أنا عملت فيكي إيه عشان تأذي بناتي وتخربي بيوتهم كده وده أنتي خالتهم يعني أمهم التانية حسبي الله ونعم الوكيل فيكي يانوال.

 

ومن وقتها أتعلمت أن المصايب مابتجيش إلا من القرايب يعملوا أسحار وأعمال ويقولوا قرايب قال.