"قالى تعالي نلعب عريس وعروسة" .. التحقيق في اتهام اليوتيوبر أحمد حسن بالتحريض على الدعارة

اتهمت إحدى الفتيات تدعى سما 19 سنة، اليوتيوبر أحمد حسن، بالتحرش بها وتحريضها على الفسق والفجور، ومراودتها عن نفسها، بعد محادثة دارت بينهما على تطبيق واتساب، حيث عرض اليوتيوبر البحث عن فتاة للقيام بأحد الأدوار في فيلم قصير ينتوي تصويره، وبدأت الفتاة في مراسلته لتتفاجأ به يطلب منها صوراً خاصة بدون ملابس، وكذا زيارته له في المنزل، وتوجيه بعض الألفاظ الخادشة للحياء، لتتقدم الفتاة ضده ببلاغ والتي باشرت الجهات المختصة التحقيق فيه.

تعالي نلعب عريس وعروسة

قالت الفتاة أمام جهات التحقيق: اللي حصل إن أحمد حسن اليوتيوبر، كان عامل إعلان في صفحته على موقع انستجرام، أنه محتاج بنت من سن 20 إلى 35 سنة، علشان عايز يعمل فيلم قصير، وأنا بعتله وكلمته وقلتله أنا عارفاك ومن متابعينك، بس أنا عندي 19 سنة، وبعتله صوري، وهو أُعجب بالصور، وقالي أكلمك واتس آب، وكلمني واتس من رقمه، وبعد كده طلب مني صور خاصة، ولقيته بيعاكسني، وبيقول تعالي مع بعض عريس وعروسة، وتعاليلي البيت، ولو عرفتي كمان تتصوري صورة خاصة وريها لي، ده انتي جامدة، وتعالي نتقابل في الفيلا قدام مول مصر، ده انتي عسولة أوي.

تابعت الفتاة أمام جهات التحقيق: أحمد حسن هو اللي بعتلي على انستجرام رقمه، وقالي تعالي كلميني واتس، وأنا طبعا قلت له أنا متجوزة وبنت ناس ومينفعش الكلام اللي أنت قلته، ورحت عملت محضر، وأنا بتهمه بتحريضي على ممارسة الفجور والدعارة، وأنه بعتلي رسائل فيها تخطي للحياء والشرف، وسبب لي ضررًا نفسيًا.

استكملت الفتاة: الكلام ده حصل يوم 14 يوليو 2021، كانت أول رسالة مني لـ أحمد حسن على الحساب الشخصي بتاعه على انستجرام، علشان هو كان منزل إعلان عايز بنت تمثل معاه في فيلم قصير، ورسائله أثرت عليَ نفسيا وسببت لي أضرارًا، لأنه طلب مني أبعتله صور عريانه، ويمارس معايا علاقة آثمة، في مقابل أنه يخليني مشهورة، وأنا استدرجته في الكلام عشان أعرف هو بيعمل كده مع بنات ثانيين ولا لأ، لأن مُتابعينه بالملايين، وأغلبهم أطفال، وهو كده وقع في شر أعماله.