عمرو أديب يوجه رسالة عاجلة للحكومة بشأن رواتب شهر مارس .......وسعوا على الناس قبل رمضان

ناشد الإعلامي عمرو أديب الحكومة بصرف رواتب الموظفين والمعاشات قبل موعدها مراعاة للظروف الاقتصادية الصعبة الحالية.

وخلال تقديمم برنامجه "الحكاية" عبر فضائية "إم بي سي مصر" تابع أديب: "ياريت كل الناس تقبض قبل رمضان عشان يلحقوا يشتروا اللي عايزينه، وطبعا بنشتري طول شهر رمضان".

وواصل أديب: "حد يقولي ما أنت معاك لسة مرتب الشهر ده.. أقوله مرتب ايه بس؟.. ده اتصرف وأكتر منه 7 مرات.. كلنا عارفين غلاء الأسعار والكلام اللي عارفينه ده وأنا مش عايز أتكلم تاني في الموضوع ده".

وأكمل أديب: "الحكومة قررت تبكير صرف المرتبات فعلا ونزلوا جدول بكده.. لكن نقدر نقدم الصرف أكتر قبل رمضان لأنها "هتتصرف هتتصرف".. وسعوا على الناس ربنا يوسعها عليكم.. وبقول للقطاع الخاص برضو فرح موظفينك قبل رمضان".

موعد صرف مرتبات مارس 2023

وجاء قرار تبكير موعد صرف مرتبات مارس 2023، في بيان سابق لـ وزارة المالية أعلنت به عن مواعيد صرف مرتبات أشهر يناير وفبراير ومارس 2023، وذلك منذ بداية العام الجاري، للعاملين بكل الوزارات والهيئات والجهات التابعة لها، موضحة أنه تم تحديد عدة أيام بكل شهر لصرف مرتبات العاملين وما في حكمها وما يتقاضونه، و3 أيام من كل شهر لصرف متأخرات مستحقات العاملين.

ويتم صرف مرتبات مارس 2023 أيام: «20، 21، 22، 23، 26» من نفس الشهر، والمتأخرات أيام «8، 9، 12» من الشهر ذاته.