رسائل السيسى للمصريين: "يا نوقف ونبقى دولة بجد يا أسيب مكاني وأمشي لحد تاني يخربها "

أكد الرئيس عبد الفتاح السيسي، أن الدولة أنفقت 350 مليار جنيه على محافظة القاهرة خلال الفترة الماضية، مضيفا: "صرفنا على محافظة القاهرة ما يقرب من 350 مليار جنيه، ولو صرفتهم في العاصمة الجديدة هتغطي جزءا كبيرا جدا من المرافق بحجم نصف الأراضى.. وحجم المصروفات في الإسكندرية خلال 40 سنة والله لا يساوي إن احنا كنا نعمل مدينة جديدة في سيدي كرير بعمق 10 كيلو كنا عملنا مدينة جديدة وحديثة".

 

وحذر الرئيس خلال افتتاح عدد من المشروعات التنموية بمدينة الإسكندرية، من غياب الدولة مرة أخرى قائلا: "غابت الدولة بس مينفعش الدولة تغيب تانى، وان غابت تاني وبالمناسبة انتوا كده بتأجلوا التطوير 100 سنة، ولو غابت مصر تاني احنا بنأجل 100 سنة ومقدرش أقبل كده.. الناس هتبقى مضايقة وزعلانة ميجراش حاجة.. ولو مش عاوزينى ابقا موجود هنا أنا معنديش مشكلة.. بس انا لا يمكن ابقا موجود في مكان الا والإصلاح قدام عنيا وامسك فيه واخلصه بما يرضى الله سبحانه وتعالى والله غالب على أمره".

وانفعل الرئيس بسبب التعدي على الأراضي الزراعية..وخاطب «السيسي» المصريين: «ما يحدث خراب لدولة وما حدش يعمل كده».

وأضاف: «أنا مش عارف أعمل إيه.. إيه اللي إحنا فيه ده، عايزين إسكان، هنعمل إسكان وبنعمل إسكان، عملنا مليون وحدة سكنية وممكن نعمل أكتر».

وتابع «السيسي»: «لن أسمح أبداً إننا نهد بلدنا ونضيعها كده.. لو لزم الأمر هخلي الجيش ينزل كل قرى مصر يا نوقف ونبقى دولة مظبوط يا أسيب مكاني وأمشي من هنا لحد تاني ييجي بقى يضيعها أو يخربها».

وأردف الرئيس السيسي: «بأتكلم بمنتهى الحزم، لازم تتاخد إجراءات في كل المحافظات، ننزل القرى وأبيد وأشيل كل الكلام ده بالمعدات الهندسية، لو الناس مش عاجبها يبقى نستنفتي على إننا نسيب الكلام ده».

وقال الرئيس السيسي: «أتعذب وأتألم يومياً بسبب هذا الوضع».

وقال الرئيس السيسي، في مداخلة خلال كلمة المهندس طارق الملا، وزير البترول والثروة المعدنية، «إن المشروعات الجديدة يتم تنفيذها بشكل حضاري، فلا بد من مراعاة أعمال الصيانة التي تحافظ على شكل المشروع ليبقى لائقا بما يعكس صورة الدولة المصرية»