محمد رشاد يعلن ارتباطه بعد عام من انفصاله عن مي حلمي

أعلن الفنان محمد رشاد ارتباطه من جديد، لافتا إلى أنه سيحدد موعد الخطوبة خلال الفترة المقبلة.

وتحدث محمد رشاد خلال لقائه مع برنامج ET بالعربي، عن أجدد أغانيه، كما أجاب على تعليقات المتابعين، حول توجيهه رسائل إلى طليقته مي حلمي، وذلك بعد عام على انفصالهما.

وقال محمد رشاد: مش بوجه رسائل مبطنة لحد، الموضوع مش مقصود، الفكرة إن ربنا بيبعتلي حاجة في الوقت ده، والناس بتربط الأحداث ببعض، وده مش حقيقي، وأغنية أنا مش شمتان؛ ملهاش علاقة بأي حاجة.

وواصل محمد رشاد: بتضايق من تعليقات الناس، إنك لما تكون في حته تانية ومركز في شغلك، تلاقي الناس مصممة تربطك بحاجة تانية، وأنا كـ محمد رشاد، مهتم إني أسمع وأنفذ أغنية حلوة بشكل محترم، وماليش دعوة الناس هتستقبل الأغاني إزاي، عشان أنا بركز في الأغنية اللي بعدها.

وأضاف رشاد: وأغنية ابن الأصل، بتتكلم عن الشخص اللي بيتعامل بالأصول، وبيقابل ناس مش حلوة في حياته، ومش بتتكلم عني، إنما دي حالة عامة ممكن يعيشها أي حد.

????محمد رشاد يعلن من خلال “ET بالعربي” عن إرتباطه من جديد وذلك بعد عام من انفصاله عن مي حلمي، وبعد أن أثار التساؤلات مؤخرًا بمشاركته ستوريهات على انستغرام????https://t.co/6zEmyEp9ro

— ET بالعربي (@ETbilArabi) December 28، 2021

أغنية أنا مش شمتان

يشار إلى أن أغنية أنا مش شمتان، من كلمات كوثر حجازي، وألحان محمد النادي، وتوزيع طارق عبد الجابر، وجاءت كلماتها كالتالي: أنا مش شمتان، لكن من حقي إن أنا أفرح إنك زعلان، أول ما ندمت عرفت إنك زينا إنسان بتحس، وليك قلب يحاسبك وترجع ندمان.

ونالت الأغنية، إعجاب الملايين، حيث كسرت حاجز الـ3 ملايين مشاهدة، منذ طرحها على موقع الفيديوهات يوتيوب.