حمادة هلال: ”أنا مليش منافس وتحديد فنان نمبر وان دي بتاعة الناس”

أكد الفنان حمادة هلال، أن المطرب محمد حماقي هو أكثر نجوم جيله الذي يسير بخطى ثابتة لأنه ركز في الغناء فقط ولم يدخل في التمثيل، قائلا: "محمد حماقي ماشي بخطى ثابتة ومركز في حاجة واحدة، وعمرو دياب لما لقى التمثيل بيأخده عن الغناء بعد عنه والجمهور بيتغير بسرعة".

ورد الفنان حمادة هلال، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، عن رأيه في منافسه، قائلا: "أنا مليش منافس وفى كذا واحد يخاف يعمل حاجات غريبة بعملها وأنا مش بعرف أفكر في المنافسة وأنا منافستي الوحيدة حمادة هلال ولو عقلي مركز مع الناس هبقى براقب أفعالهم وانشغل".

وتابع: "فكرة أني انافس عشان اكون الفنان نمبر وان، نمبر وان ده بتاع الناس والاجمل أنك تبقى فى حته لوحدك وفى محطات عملتها دي اللى هتعيش له"، مشيرا إلى أن بهاء سلطان أكثر مطرب يحب اسمعه ويحب ذكره بكل خير لأنه لم يرى منه غير كل خير.