مرتضى منصور يوجه رسالة إلى أيمن منصور وعبدالحليم علي

وجه مرتضى منصور رئيس نادي الزمالك، رسالة إلى أيمن منصور، نجم نادي الزمالك، قائلا، "أيمن منصور هو من قام بزيارتي في مارينا، وأنا عتابي عليك يا أيمن لأنك جيت وقولتلي هشتغل مدير كرة وفاروق جعفر كان قاعد". أضاف، "حضرتك بتعتذر عن إيه، دي كلها كانت ترشيحات وأنت كنت في الغردقة وجيتلي مارينا يعني أكتر من 500 كيلو، عيب انك تطلع بيان وتعتذر، عاوز تعتزر طلع التليفون وبلغ رئيس النادي اللي أنت روحتله وقولت عاوز أشتغل".

 

واصل، "انت عملت نفس اللي عمله عبدالحليم علي جه قعد معايا وقالي هشتغل مدير كرة وأول ما مشي راح طلع بيان قال أنا بعتذر. أردف، "انسوا الكلام دة يحصل طول منا رئيس نادي، وطول منا رئيس النادي أنسوا انكوا تيجو انتوا الاتنين، عاوز تعتزر حقك لكن تيجي تعود معايا وأول ماتمشي تقول بعتذر علشان تعمل عنتر أدام قطر والواد الحرامي الأقرع اللي طلع مع إبراهيم فايق عمال يعيط".