لخفض فاتورة ”الكهرباء”.. نصائح مهمة لترشيد استهلاك الثلاجة

أكد جهاز تنظيم مرفق الكهرباء وحماية المستهلك عبر صفحته الرسمية على موقع التواصل الاجتماعي “فيس بوك” ، ضرورة عدم وضع الأطعمة الساخنة بالثلاجة وتركه حتى يبرد، مما يسهم في تقليل استهلاك الطاقة الكهربائية، وبالتالى تجنب ارتفاع قيمة فاتورة الاستهلاك الشهرية.

وهناك بعض الخطوات البسيطة التى يمكن من خلالها خفض قيمة فاتورة الاستهلاك الشهرية، والتى من بينها ترشيد استهلاك الكهرباء بالثلاجة وهى كالآتى: كيفية توفير استهلاك الكهرباء خلال استخدام الثلاجة باتباع الآتي..

- لو لسه بتشتري اختر الأنواع التي تحتوي على مؤشرات جيدة لكفاءة الطاقة، (A) هتكون مثالية.

- حاول تقلل فتح وقفل باب التلاجة كل شوية، علشان تحافظ على الهواء البارد الموجود وكمان تحافظ على عمر الأطعمة الموجودة.

- من وقت للتاني اتأكد أن المطاط (الكاسكيت) سليم ومش بيسرب أو مبيقفلش كويس، واستعمل قطعة سفنج مبلولة بماء دافئ مع صابون سائل. ترك مسافة بين الثلاجة والحائط .

- زي أي جهاز تاني التهوية مطلوبة، علشان كده حاول يكون فيه مسافة بين ظهر الثلاجة والحيطة وياريت ميكونش جنبها بشكل مباشر أي جهاز زي البوتاجاز.

- حاول تنظف الثلج أولا بأول لأنه بيكون سبب في زيادة استهلاك الكهرباء بسبب عمل الموتور بشكل متكرر.

عدم وضع الطعام داخل الثلاجة وهو ساخن .

- بلاش تخزن الأكل وهو سخن في التلاجة واستنى لما يبرد علشان ما تستهلكش طاقة أكتر في التبريد.

- بلاش تحط على رفوف التلاجة الداخلية إزاز أو بلاستيك، علشان ده ممكن يأثر على طريقة دوران الهواء البارد.

- تراكم التراب على المكثّف (كوندينسر) يزود الاستهلاك من الكهرباء، باستخدام مكنسة كهربائية أو فرشاة خشنة حاول تشيل التراب ده وتأكّد من فصل الكهرباء عن التلاجة قبل التنظيف.