شيرين: حسام حبيب زهق مني علشان تخنت وقالي مش عاوز واحدة أد أمي

كشفت الفنانة شيرين عبد الوهاب كواليس جديدة حول خلافها مع الفنان حسام حبيب.

وقالت شيرين حديث لجمهورها خلال مداخلة هاتفية إلى برنامج "كلمة أخيرة" الذي تقدمه الإعلامية لميس الحديدي على قناة "ON": "أتجوز فيل أو قرد من جنينة الحيوان ومتجوزش حد اسمه حسام وأنا عاوزة حقي من حسام حبيب".

وأضافت: "حسام حبيب زهق مني علشان تخنت وقالي مش عاوز واحدة أد أمي وهو حبيته عقربة.. أنا في حياتي متأذتش من إنسان كده.. إنسان قلبه أسود ويغتاب كل الناس".

شيرين عبدالوهاب عن حسام حبيب: حبيته عقربة.. أنا في حياتي متأذتش من إنسان كده.. إنسان قلبه أسود ويغتاب كل الناس#شيرين #شيرين_عبد_الوهاب@lameesh@sherine pic.twitter.com/LFP26wcbc4

— كلمة أخيرة مع لميس الحديدي (@KelmaAkhira) July 19, 2022

وتابعت: "حسام كان بيشتمني ويضربني ويسحلني على الأرض" واعترفت شيرين عبدالوهاب على الهواء: "كذبت في حاجات عشان أنا بنت أصول وبستغفر ربنا".

شيرين عبدالوهاب تعتذر تعترف على الهواء: كذبت في حاجات عشان أنا بنت أصول وبستغفر ربنا#كلمة_أخيرة#لميس_الحديدي#شيرين #شيرين_عبد_الوهاب@lameesh @sherine pic.twitter.com/vO0qTRyl9W

— كلمة أخيرة مع لميس الحديدي (@KelmaAkhira) July 19, 2022

وكشفت أنها وقت مكوثها في الساحل الشمالي اكتشفت أن سيارتها المرسيدس التي تملكها والمكتوبة باسم حسام حبيب تمت سرقتها قائلة: "كل الناس عارفة أني كنت بحاول أجمل صورته لكن الناس مكنتش مقتنعة وهما مش هبل وعارفين كل حاجة وأنا كنت طول الوقت بكدب عشان أجل صورته وعندما سرقت السيارة في تمام الواحدة بعد منتصف الليل تلقيت اتصال أن السيارة سرقت".

وتابعت شيرين: "ساتخذ الإجراءات القانونية ضد حسام حبيب لأنه سرق عربيتي وأنا عاوزة حقي منه".

وذكرت: "غنيت وأنا قرعة عشان بناتي ميتعقدوش، وحسستهم إن ده نيولوك، وقالوا إن حسام حبيب كتف شيرين وحلق لها شعرها، وبالفعل هو اللي حلقلي شعري، أنا أسفة إني بتكلم في موضوعي والبلد فيها مشاكل أكبر بكتير، وحاسة إن موضوعي بوخ وكنت قاعدة في أمان الله مع عيالي اللي شايفين الويل، وسافرنا الساحل".