أحمد عبدالله محمود: أنا راجل شرقي ومش هتجوز من الوسط الفني

قال الفنان أحمد عبدالله محمود، إنه خلال الفترة الأخيرة أصبح يستمع إلى كلام ونصائح والدته فى الحياة، لافتًا إلى أن الأم دائمًا تشعر بالخطر من بعيد.

وأضاف أحمد عبد الله محمود، خلال حواره ببرنامج الستات مايعرفوش يكدبوا، أنه رجل شرقى صعيدى، لا يفضل الزواج من الوسط الفنى، مشيرًا إلى أن:" مظنش انى هعيد التجربة دى تانى.. ومؤخرًا اكتشفت أنى شبه والدى فى الحته دى".

وتابع أحمد عبد الله محمود، “ أنا محتاج واحدة تكون متفرغة وفاضية لأحمد.. وأنا شخص بيدلق بسرعة".

وفى سياق سابق، قال الفنان أحمد عبدالله محمود ، إن طبيعة عمله في مجال التمثيل ليس لها خطوات ، معقباً : " طوول الوقت كنت في حكايات ومش عارف أخرتها إيه ، فكنت محتاج والدي جمبي في بداية مسيرتي بالأخص ".

 

وأضاف " محمود " خلال لقائه مع برنامج " 90 دقيقة " المُذاع على فضائية " المحور " ، قائلاً : " كنت محتاج والدي في الشغلانة ديه بالذات ، بالإضافة إلى خبرته في الحياة طبعا ، لأني كنت في بداية الرجولة وبداية اني أشيل مسئولية " .

 

وأردف الفنان : " أنا حياتي دلوقتي أحسن ومبسوط ان بقى ليا اتجاه معين في الشغل ، وأكيد مش مبسوط إن والدي أتوفى ولكن أحسن من ان يتقالي ده شغال عشان والده " .

 

ونوه ، أن أول دور سينمائي قام به بعد عام من وفاة والده ، كان في فيلم " هي فوضى " ، معقباً : " خالد يوسف لما شافني قالي انت عايز تطلع دور كومبرس؟ قولتله أيوة أصل أنا مش عبدالله محمود ، أنا ابنه ، وجيت عشان اتعلم " .

 

وأتم: "أنا راضي مش مبسوط ، وعايز أقول لوالدي وحشتني" .