رضا عبد العال: فيريرا سيتسبب في ضياع إفريقيا وينهي لقب ”البروفيسور”

أبدى رضا عبد العال نجم الأهلي والزمالك السابق عدم رضاه عن مستوى نادي الزمالك تحت قيادة فيريرا.

وقال رضا في تصريحات إذاعية صباح اليوم السبت في برنامج "طويلة وعالية" مع هاني حتحوت عبر إذاعة الشباب والرياضة " مباراة المريخ كانت فرصة للزمالك من أجل الاستفاقة".

وتابع "فيريرا مخبط في التشكيل كتير، الزمالك لم يظهر او يمسك بالكرة في الملعب الا بعد الدفع بروقا آخر 10 دقائق في المباراة، اي نتيجة غير الفوز على الترجي يبقى عليه العوض ومنه العوض".

وواصل "انا فرحت ان فيريرا رجع تاني علشان يضيع افريقيا ومحدش يفتح بوقه تاني ويقول البروفيسور، في شوية ناس لسة عمالة تقول عدم الاستقرار السبب".

وتابع "الزمالك راح يلعب مباراة اسوان وهو متصدر الدوري قبلها كان في استقرار، اقول مفيش استقرار لو من اول الموسم الدنيا صعبة".
وأضاف "الاداء ليس الأفضل منذ الموسم الي فات، فريق غزل المحلة "نفض" الزمالك الموسم الماضي وكان عواد نجم المباراة وكسبت في الاخر ونفس الكلام في ماتش سيراميكا كليوباترا والمقاولون وغيره".

وواصل عبد العال "انت مش بتلعب كورة، بتسجل وتجري، اهم حاجة الـ 3 نقط اها، بس اكسب حتى لكن مفيش اداء ولا مكسب".
مختتمًا تصريحاته "من السنة الي فاتت مفيش شخصية نادي الزمالك، والموسم الي فات شخصية الأهلي مكانتش موجودة برضه".