صناع أغنية ”سطلانة: هنغنى في فرح طاهر ببلاش.. والليثى: الأغنية حققت ليا العالمية

حل كل من عبد الباسط حمودة وحمدى بتشان ومحمود الليثى وحسن الخلعى، صناع أغنية "سطلانة" ضيوفاً في برنامج "صاحبة السعادة" للفنانة والإعلامية إسعاد يونس، المذاع على قناة DMC، وقال محمود الليثى: "مبدأيا احنا الأربعة هنغنى في فرح طاهر محمد طاهر ببلاش لأن الصراحة وشه حلو علينا".

وتابع الليثى: "البداية لما الاهلى كسب الوداد وبعد ما المباراة خلصت واللاعبين خارجين من المدرج وحسين الشحات ماسك الموبايل وطاهر حاطيت السماعة وضغطوا على اى اغنية في البلاى ليست فكانتا اغنية سطلانة، واحنا نمنا وصحينا تانى يوم لقينا الأغنية مكسرة الدنيا، وزادت حلاوة لما لقينا منتخب الاوليمى غناها ونويل رقص عليها، وكمان الأطفال في مدرسة كرم القدم في ريال مدريد غنوها ومانشستر يونايتد".

وأضاف حمدى بتشان:"أنا عملت اغانى كتير ناجحة في حياتى، ولكن أغنية سطلانة هي نجاح مختلف من بعد أغنية الأساتوك وحسستنى انى ببدا من أول وجديد، وادتنى احساس بالنجاح جامد جدا وجميل لأن النجاح ده بيرضى النفس وبيكون في حافز ان الشخص يبدأ من تانى".

وأضاف عبد الباسط حمودة: "الأغنية فرق معايا اكيد وودتنى في امناكن تانية زى أمريكا واسبانيا، واكيد بقى بيجيلى شغل اكتر وافراح، وأشار محمود الليثى أنه سعى الى العالمية وان أغنية سطلانة حققت له ذلك

أغنية "سطلانة" غناء حمدى بتشان وعبد الباسط حمودة ومحمود الليثي وحسن الخلعي، من كلمات مصطفى حسن، ألحان كريم عاشور، توزيع أماديو، وتم غناءها ضمن فيلم بعد الشر الذي عرض خال الفترة الماضية بالسينما، وهو من بطولة علي ربيع، وأس أس، وبيومي فؤاد، وعمرو عبدالجليل، ورنا رئيس، وميرنا نورالدين، تأليف أمين جمال ووليد أبوالمجد، إخراج أحمد عبدالوهاب.