رامز أمير وكندة علوش والفيشاوي.. أبرز النجوم الداعمين لقضية فلسطين

يحرص دائمًا نجوم الفن أن يعبروا عن آرائهم المختلفة وإظهار دعمهم في المواقف الإنسانية اللازمة، وبالتزامن مع القضية الفلسطينية وقضية طوفان الأقصى حرص عدد كبير من النجوم أن يظهرن تعاطفهن تجاه الشعب الفلسطيني من خلال توجيه رسائل دعم لهم عبر حساباتهم الرسمية خلال مواقع التواصل الاجتماعي وكان من أبرز هؤلاء النجوم هو الفنان رامز أمير والنجمة كندة علوش والفنان احمد الفيشاوي

فكتبت كندة علوش عبر حسابها الرسمي بموقع انستجرام من خلال خاصية ستوري: ليت الاطفال لا يموتون، ليتهم يرفعون إلى السماء ريثما تنتهي الحرب ثم يعودون إلى منازلهم آمنين وحين يسألهم الأهل أين كنتم يقولون فرحين كنا نلعب مع النجوم، كما نشرت منشور آخر قائلة: "‏أنا من جيل تربى على أن قضيتنا وحلمنا أن نرى ⁧‫فلسطين‬⁩ حرة أبية مستقلة

‏تتالت الآلام والخيبات خصوصاً علينا نحن السوريين لكن فلسطين دائماً في القلب ‏واليوم تجدد الجرح فأقل ما نفعل ان نرفع الصوت ونعلن الدعم ونساعد كل بما يستطيع

‏ونحكي القصة للأجيال الجديدة من وجهة نظر أصحاب الحق كي يعرفوا أن الفرق بين الضحية والقتلة كالفرق بين النهار والليل"

كما نشر الفيشاوي عبر حسابه الرسمي فيديو وكتب: "الفيديو دا عمره ١٥ سنه و أبادة الشعب الفلسطيني من شيوخ و رجال و نساء و لشديد الحزن الأطفال مستمره ! كفايه دم و كفايه حرب و متنسوش من لا يرحم الناس في الارض لا يرحمه الله في السماء".

رامز أمير يتحدث بكلمات مؤثرة عن فلسطين

وكان قد وجه رامز أمير رسالة مؤثرة عن ما يحدث في فلسطين فقال: "كلمتين لازم أقولهم عشان إحساس القهر والعجز قاتلني، وياريت حد يقنعني إنى غلط عشان استريح من الإحساس البشع اللى أنا حاسه، حد يقنعني أن اللي إحنا بنعمله ده هيحرر أهلنا ويخلصهم من المجازر اللي بتحصلهم بقالهم سنين، "قبل بس ما أتكلم معاكم عايزكم تتفرجوا كده على فيديو شوفته إمبارح، الفيديو ده أنا شوفته قبل ما أنام على طول أقسم بالله العظيم واللي هحكي ليكم ده اللي حصل، أنا حلمت بكابوس بشع حلمت أن أنا فلسطيني وعمال أهرب كل ما أهرب من الصهاينة أوصل مكان أستخبى فيه وأقف كده أتطمن يلاقوني تاني قعدت أهرب طول الحلم بعد ما بدأت أتطمن في الآخر أني هربت منهم جابوني تاني، عارفين إيه اللي عملته في الآخر عشان أهرب منهم حفرت في الأرض بالرمل ودفنت نفسي".

أنا جاي أتكلم معكم النهاردة عشان أطلع اللي جوايا أول إمبارح دكتور أشرف زكي نقيب الممثلين بتاعنا اللي كلنا بنكن له كل الاحترام والتقدير نظم يوم عشان نعمل وقفة كلنا كفنانين في مصر بندعم فيها القضية الفلسطينية".

"وطبعًا قولتلهم أني واجب عليا أني أنا أروح بس أنا حسيت إحساس غريب أوي، أنا حاسس إني مكسوف وإن الوقفة مش هتعمل حاجة، أنا عارف أنها مهمة وهتعمل، بس والله العظيم مكسوف من نفسي قدام نفسي قبل ما يكون قدام أي حد".

الصورة اللي أنا شايفها دلوقتي أن أنا أخويا بيكلمني بيقولي في ناس دخلوا بيته وبيقتلوا عياله وأنا بقوله متقلقش أنا هبعت لك أكل ومياه ومساعدات وهنزل أعمل وقفة عشان أدعمك إزاي يعني.. يعني أخليه قبل ما أولاده يتقتلوا ياكلوا عشان يموتوا وهما شبعانين".

كما استرسل قائلًا رامز أمير: "أنا عارف أن الدولة مش بتاخد قرار بناءً على عواطف والله عارف، بس أنا مابقتش شايف أن الدول العربية ضعيفة يمكن ده كان زمان، قولوا لي لو أنا غلطان الدول العربية دي فيها مصر اللي عندها جيش من أقوى الجيوش في العالم، وفيها المملكة العربية السعودية اللي أنتوا عارفين كويس هي بقيت قوية إزاي دلوقتي وبتقف قدام مين، عندنا الإمارات وقطر والمغرب وتونس والجزائر كل دول اللي يقدروا يعملوه بس أنهم يبعتولهم أكل".

وأنهى حديثه قائلًا: "يمكن أنا مش شايف الصورة كاملة بس أنا مش قادر أشوف غير صورة واحدة وهي صورة الناس اللي بتتقتل إحساس صعب جدًا، أنا مش عارف يمكن أكون غلطان ويمكن تكون العاطفة اللي جوايا وحرقة دمي على المناظر اللي بنشوفها مخلياني أفكر بطريقة إندفاعية شوية بس لو أنا غلطان قولولي حد يقنعني أن أخويا لما يطلب مساعدتي عشان بيقتلوا أولاده أبعت له أكل".