هالة صدقي توجه رسالة لـ"هياتم" بعد وفاتها: "حقك عليا"

أعربت الفنانة هالة صدقي في تدوينة عبر حسابها بـ"فيسبوك"، عن حزنها لعدم زيارتها الفنانة الراحلة هياتم بالمستشفى  بعد الأزمة الأخيرة.

وقالت في رسالة وجهتها إلى الفنانة الراحلة هياتم :"حقك عليا اتأخرت على زيارتك كتير وعارفة إنك كنتي مستنيه تشوفيني، وربنا وحده اللي عارف أنا اتاخرت ليه، وشفتك أول امبارح في الحلم وانتي لابسه جلبيه سوده وشعر أسود طويل وبتعيطي وبتعتبي عليا إني ماجتش ليكي وقَعَدت اعتذرلك وأول ما صحيت اتصلت بيكي وجه اللي يعطلني وينسيني أكلمك تاني".

وأضافت: "لكن في نيتي ان أول زيارة كانت لازم تكون ليكي وإن الموبايل مش كفاية".

وتابعت قائلة: "أنا اتأخرت عليكي يا حبيبتي يا صاحبة يا جدعة يا جميلة يا طيبة يا صاحبة الواجب، حقك عليا حقك عليا ومحدش عارف هشوفك إمتي تاني".

 

ورحلت الفنانة هياتم ،أمس الجمعة، بأحد المستشفيات الخاصة بالمهندسين ، بعد تدهور حالتها الصحية عقب إصابتها بمرض سرطان القولون، لينتهي صراعها مع المرض بالوفاة عن عمر يناهز 69 عامًا.